Siglir tar il cuntegn

Header

Mauns da persunas cun cedels sin in pult.
Legenda: L’agid social na munta betg mo da survegnir daners, mabain era da tschertgar vias or dals problems. Keystone
cuntegn

Socialesser En il Grischun dovran damain persunas agid social

Bunamain 2’700 persunas han retratg il 2018 agid social en il Grischun. Quai èn levet pli paucs che l’onn avant. Ed en Svizra è il dumber sa reducì per l’emprima giada dapi 10 onns.

Il Grischun ha gì il 2018 exact 2'674 persunas che han retratg agid social. Quai èn 23 persunas damain ch'il 2017. Il pli aut dumber da persunas che han duvrà ils davos onns agid social en il Grischun, èn stadas 2'738 l'onn 2016.

Situaziun en Svizra

En Svizra è tant il dumber da persunas che dovran agid social – sco era lur relaziun envers il dumber d’abitants, la quota da l’agid social – sa reducì. La quota è tenor l’Uffizi federal da statistica ida enavos da 3,3 sin 3,2 pertschient.

272'700 persunas an survegnì il 2018 almain ina giada ina prestaziun finanziala da l'agid social, quai èn 5'600 damain che l'onn avant. Pli u main vala la regla: pli grond che la vischnanca è, e pli auta è la quota da l'agid social.

Dapli en parts da la Svizra franzosa

En otg chantuns è la quota da l'agid social s'augmentà levet, tenor las cifras da l'Uffizi federal da statistica: Sviz, Glaruna, Schaffusa, Appenzell Dadora, Tessin, Vallais, Genevra e Giura. Da l'autra vart las pli bassas quotas han plirs chantuns da la Svizra Centrala e l'Appenzell Dadens.

RTR novitads 11:00

Artitgels legids il pli savens

Scrollar a sanestra Scrollar a dretga