Siglir tar il cuntegn

Header

video
Video vom 20.10.2020, 11:42
Or da Actualitad video dals 20.10.2020.
laschar ir
cuntegn

Sortida a Cuira In «Welschdörfli» en mauns da la mascra

Las sondas è la via da party a Cuira savens fullanada cun glieud. Pervi dal obligatori da mascra è sa preschentà l'ultima sonda in zic in auter maletg.

Per ina sonda èsi stà ruassaivel l'ultima sonda en il «Welschdörfli» a Cuira. I n'è betg uschia che la via da party è stada morta ora, dentant han ins percorscha che l'obligatori da mascra ha in'influenza sin la glieud.

Chapientscha u nagina chapientscha

Sco usità han ils clubs avert lur portas per beneventar la giuventetgna. Ed ils clubs n'èn betg restads vids. Ma il dumber da glieud è stà pli pitschen che durant ina sonda normala a Cuira.

Quels ch'èn tuttina vegnids èn il «Welschdörfli» durant la notg, n'han betg sa laschà starmentar dal coronavirus. Las opiniuns davart las prescripziuns severas èn dentant stadas fitg differentas tar la giuventetgna.

Jau fatsch quai ch'il chantun prescriva. Mai na disturba la mascra betg.
Autur: giuven da Domat
Las prescripziuns èn uschè exageradas. Sche quai va vinavant uschia na datti bainbaud betg pli questa entira scena da party.
Autur: giuvna dal chantun Glaruna

Er la glieud che na chapescha betg las mesiras severas, han dentant prendì la mascra per ir en sortida. «Sch'igl è da metter si mascra, mettain nus si ella». Il plaschair da far party n'han las persunas ch'èn stadas la sonda en sortida a Cuira betg vulì sa laschar prender.

RTR actualitad 17:00

Artitgels legids il pli savens

Scrollar a sanestra Scrollar a dretga