Siglir tar il cuntegn

Header

cuntegn

Chantun «Spectaculum Curia» – festa medievala puspè a Cuira

Il «Spectaculum Curia» era ils ultims onns en la citad veglia da Cuira. Quest fin d'emna ha la festa lieu per l'emprima giada sin l'areal dal parc d'animals e divertiment tar la Pulvermühle, a l'ur da la citad.

Questa fin d'emna vegn celebrà il mund medieval cun stans, gieus, ustarias, vestgids, spadas e chavals. Trais giadas ha la festa gì lieu en la citad veglia, uss fa ella midada a l'ur da la citad.

audio
Saira: Spectaculum Curia fa midada
ord Actualitad dals 19.10.2017.
laschar ir. Durada: 2 minutas 42 Secundas.

Nov vent per il temp medieval

Nov vegn la festa manada atras sin l'areal dal parc d'animals e divertiment, a l'ur da Cuira. Uschia veglian els dar nov vent a lur festa e pussibilitar in'atmosfera pli realistica ch'amez citad di la presidenta da la festa, Domenica Flütsch. Cun organisar la festa dador il ravugl stretg da la citad n'èn er betg pli pertutgadas tantas differentas partidas.

Tschintg persunas in vestids en ina spezia da stil medeival.
Legenda: Sa legran a lur Spectaculum – la presidenta (da san.) cun gidanters ed artists. RTR

Il nov lieu duai er far bain a las finanzas dal Spectaculum

Fin ussa aveva l'organisaziun «Spectaculum Curia» numnadamain mo pers raps cun organisar sia festa. Quest onn fan els per l'emprima giada l'emprova da dumandar in'entrada dals visitaders. Per la fin d'emna vegnan spetgadas 1'500 persunas al Spectaculum.

RR actualitad 17:20

Artitgels legids il pli savens