Siglir tar il cuntegn

Header

video
Spiritualitad en la tgira
Or da Actualitad dals 16.06.2017.
laschar ir. Durada: 2 minutas 6 Secundas.
cuntegn

Chantun Spiritualitad en la tgira

Il Center per furmaziun per la sanadad e per fatgs socials BGS a Cuira porscha in curs da diplom en connex cun spiritualitad en la tgira. Il curs duai sensibilisar tgirunzs sin resursas spiritualas che dattan forza al pazient.

«Spiritualität und Spiritual Care» uschia sa numna il curs ch’il BGS porscha davent dal november 2017. Entaifer in mez onn duain tgirunzas e tgirunzs emprender co nizzegiar spiritualitad en lur lavur da mintgadi.

Finamira dal curs è tenor la manadra dal curs Margret Kiechler Fenzl da sensibilisar tgirunzas e tgirunzs sin la tematica da la spiritualitad en la tgira. Els duajan emprender da chattar e nizzegiar resursas spiritualas tar pazients u persunas attempadas. Resursas spiritualas pon per exempel esser la natira, la cardientscha, concarstgauns u era in animal da chasa.

Tgirunzas e tgirunzs n'èn nagins spirituals

La spiritualitad vegn era suenter quest curs a restar mo ina pitschna part da la lavur da tgirunzs e tgirunzas. Els duain dentant era pudair nizzegiar la spiritualitad per sustegnair ils pazients, e lavurar ensemen cun spirituals u plevons. Il curs duai promover la lavur e la chapientscha tranter quels teams.

Tenor Margret Kiechler Fenzl saja per exempel pussaivel ch’in pazient haja ina meglra relaziun tar sia tgirunza, e veglia uschia per exempel pratitgar cun quella tscherts rituals spirituals. Quai po per exempel esser far in’uraziun u er far ina spassegiada.

Artitgels legids il pli savens