Sin las pistas regularas na saja betg pussaivel da trenar tempo. Il privel da collisiuns cun skiunzs pli plauns saja memia grond. Quai di l’anteriur president da Swiss Snowsports, Riet Campell. El pretenda perquai ch'i dettia pistas separadas per trenar il tempo.
Ils magisters da skis duain avair la pussaivladad da mussar a la clientella, co ch'ins fa cun aut tempo las differentas curvas cun ils skis da carving, e quai sin pistas segiradas. Las pendicularas han gia fatg experiments cun pistas per skiunzs che vulan ir plaun, però senza success.
Ellas vulan porscher als passiunads dal tempo las uras da la damaun avant che la massa da skiunzs vegn sin pista.
RTR Telesguard 17:40