Siglir tar il cuntegn

Header

audio
La glieud en il Grischun è fitg sportiva, demussa in studi
Or da Actualitad dals 23.11.2020.
laschar ir. Durada: 3 minutas 31 Secundas.
cuntegn

Sport en il Grischun 2020 Mintga segund fa pliras giadas l’emna sport intensiv

51% da las Grischunas e dals Grischuns fan pliras giadas l’emna trais uras u pli ditg sport, e quai è tenor il studi «Sport en il Grischun 2020» ordvart aut.

51% da las Grischunas e dals Grischuns fan pliras giadas l’emna trais uras u pli ditg sport, e quai è tenor il studi «Sport en il Grischun 2020» ordvart aut.

Per la terza giada ha il Grischun laschà intercurir il sa depurtar sportiv da la populaziun, suenter il 2008 ed il 2014. E tenor il studi è la cumpart da las persunas che na fan insumma betg sport sa reducida ils davos sis onns per 8%. Entant vivan mo anc 14% da la populaziun grischuna senza far activamain sport, e quai è sut la media svizra.

Grischunas pli sportivas

Las dunnas grischunas han surpassà ils umens quai che pertutga far sport. 54% d’ellas èn fitg activas, percunter èsi tar ils umens 47%. Ina midada pli gronda sa mussa er tar las migrantas, quellas èn uss quasi tuttina sportivas sco ils umens migrants.

Il studi menziunescha dentant er, che la populaziun indigena è cleramain pli activa quai che pertutga sport ch’ils migrants e las migrantas. Ed in ulteriur resultat è, che pli auta la scolaziun e las entradas da chasada èn – è pli intensiva è l’activitad sportiva.

800 intervistas

Il sa depurtar sportiv da las Grischunas e dals Grischuns è vegnì analisà per la terza giada, quai sco part dal studi naziunal «Sport en Svizra». Anc avant la pandemia da corona èn radund 800 Grischunas e Grischuns vegnidas dumandadas sin incumbensa da l’Uffizi per la scola populara ed il sport.

audio
Per tadlar curt e compact
ord RTR Audio dals 23.11.2020.
laschar ir. Durada: 1 minuta 5 Secundas.

RTR novitads 12:00

Artitgels legids il pli savens