A la radunanza generala virtuala da Grischun Tennis è l’Engiadinaisa Maria Laura Eldahuk vegnida elegida sco nova presidenta. Ella succeda a Waldemar Jakob ch’è sa retratg suenter 15 onns. El e Hans Markutt, che ha medemamain bandunà la suprastanza suenter in temp d’uffizi da 30 onns, èn daventads novs commembers d’onur da l’uniun.
La suprastanza sa cumpona uss sper Maria Laura Eldahuk da Silvaplauna ch’è dal reminent l’emprima dunna al timun da Grischun Tennis e da Serena Muscogiuri, Gion Petschen e Pascal Mathys, ch’èn vegnids elegids da nov. Vinavant en suprastanza restan Nicola Fantini ed Urs Odermatt.