Siglir tar il cuntegn

Header

audio
Quant massivas dastgan las mesiras esser ch'il Cussegl federal decretescha?
Or da Actualitad dals 13.03.2020.
laschar ir. Durada: 05:48 minutas.
cuntegn

Stadi d'urgenza Quant massivas dastgan las mesiras esser?

Oz suentermedzi infurmescha il Cussegl federal e la regenza grischuna co cumbatter il coronavirus. Quant massivas dastgan las mesiras esser ch'il Cussegl federal decretescha?

Suenter ch’il Tessin ha decretà la mesemna il stadi d’urgenza sin l’intschess da ses chantun, spetgan ins ch’era auters chantuns ni eventualmain l'entira Svizra suandan. Per il mument sa chatta la Svizra tenor lescha d’epidemia anc en ina «situaziun speziala». Il Cussegl federal po perquai prender tschertas mesiras, dentant mo mesiras tenor la lescha. Pli lunsch dastga il Cussegl federal betg ir.

Dretg fundamental vala era en «situaziun extraordinaria»

Nun ch’il Cussegl federal clomia ora ina «situaziun extraordinaria» – il pli aut stgalim da crisa en la lescha d’epidemia. Lura pudess il Cussegl federal agir pli svelt e decretar ordinaziuns u disposiziuns senza consultar il parlament. Ils dretgs fundamentals da mintga burgais, sco per exempel il dretg da sa muventar, valan dentant era en ina «situaziun extraordinaria». Per restrenscher tals dretgs dovri bunas raschunas che stattan en l’interess public.

Da ralentar la derasaziun dal coronavirus ed impedir ch’ils ospitals ed il sistem da sanadad stat per exempel en l’interess public. Plinavant ston las mesiras ch’il Cussegl federal decida era esser commensuradas.

RTR actualitad 12:00