Sper las bunas vias ed ils autos cun adina dapli tecnica haja er la pandemia gì in effect positiv sin il svilup d'accidents. Uschia hai durant ils mais da mars enfin zercladur dà pli pauc traffic sin via ed uschia er pli paucs accidents. Uschia ha ditg il schef da la polizia da traffic Robert Willi avant las medias. Legraivel saja er ch'els hajan registrà uschè paucas persunas blessadas entra accidents dapi l'entschatta da la statistica l'onn 1958. En tut èn quai stads il 2020 500 persunas blessadas, quai èn stgars 19% pli pauc ch'usità.
Main legraivel è che 12 persunas han pers la vita sin vias grischunas il 2020. Quai è ina pli pauc che l’onn avant. Vinavant ha la polizia era stuì nudar dapli manischunzs d’autos che charravan sut l’influenza d’alcohol, cumpareglià cun ils davos tschintg onns.
Damain accidents da moto
Cun töffists hai dà damain accidents sin vias grischunas cumpareglià cun il 2019, scriva la Polizia chantunala. E töffists grev blessads haja dà 24 damain, e mortoris era dus pli pauc.
Tar accidents da velos han duas persunas pers il 2020 lur vita. Ina reducziun d’accidents e da persunas blessadas hai dà tar ils peduns. En questa categoria hai dà in accident mortal.
