Arosa: Susanna ha in effet «fich dischagreabel»
Ad Arosa han ils implants stuì star eri per part gia in glindesdi – in mardi n’è i insumma pli nagut. Ch’i saja «fitg dischagreabel» ha detg il directur Philipp Hollenstein sin dumonda da la sda, ch’i sa cunfetschia dentant cun la stagiun dad enfin uss. Uschia na saja quai betg pussaivel, da recuperar las perditas dad enfin uss.
Dapi il mardi mezdi sa normaliseschia la situaziun danovamain, scriva la sda.
Sörenberg (LU): Susanna n’è betg il «mellen da l’ov»
Er per il territori da skis da Sörenberg n’era Susanna betg «il mellen da l’ov» di Karl Lustenberger. El vesa las perditas cunzunt tar ils turists da di. En general saja la glieud cuntenta, dentant fetschia plievgia en la Bassa pauc gust da vegnir sin pista. A Sörenberg resta la situaziun per ir sin il Rothorn critica.
Regiun da la Jungfrau (BE): Susanna sfurza da serrar pendicularas
Gia en dumengia avevan ils vents ragiunt ina sveltezza, che ha sfurzà las Viafiers da la Jungfrau da serrar ils implants. Uschia eran interruttas parts da la Wengeralpbahn, che maina sin la pitschna Scheidegg. Pertutgada era er quella part da la viafier che maina sin il Jungfraujoch. Entant èn ils viadis danovamain pussibels senza impediments.