Siglir tar il cuntegn

Header

cuntegn

Chantun Stgalim 4 - navadas chaschunan grond privel da lavinas

L'institut per la perscrutaziun da la naiv e da las lavinas (SLF) a Tavau ha admonì in venderdi saira las 17:00 dad in privel da lavinas staglim 4 en il sid. Ils stgalim 4 vul dir grond privel.

video
Las navadas
Or da RTR dals 04.03.2016.
laschar ir

Per questa classificaziun èn principalmain trais facturs la basa, di Gian Darms, prognosticher als SLF.

Il SLF spetga la sonda naiv en auta intensitad ed entaifer curt temp. En cumbinaziun cun ferms vents da sidvest e la cuverta da naiv veglia flaivla maina quai al segund-aut stgalim da privel en il sid.

In sguard en la statistica dal SLF mussa, che stgalim 4 vegn cuntanschi en media mo en 2% da las prognosas dad in enviern.

Analisa da datas vasta e minuziusa

Per pudair responsar di per di in bulletin da lavinas èn adina 2 dals 7 prognostichers da lavinas dal SLF en servetsch. Els sa chattan 2 giadas al di ad in briefing en la stanza da bulletins.

Suenter in’analisa minuziusa da datas sa cunvegnan els tar mintgina da las regiuns meteorologicas da la Svizra sin ina prognosa specifica.

A lur disposiziun:

  • 200 observaturs scolads furneschan di per di lur observaziuns
  • 150 staziuns da mesiraziuns tramettan lur datas automaticamain – p.ex. da temperaturas, autezza da naiv, temperatura da la cuverta da naiv enfin quantitad da precipitaziuns e vent
  • Ulteriuras datas sco prognosas da l’aura e da la naiv, models a curta e lunga vista, purtrets da rada e satellits
video
Il stgalim da privel 4
Or da RTR dals 04.03.2016.
laschar ir

Il stgalim da privel 4 vala en mintga cas fin al proxim bulletin:quel riva in sonda a bun’ura las 08:00.

Gian Darms, actualmain en servetsch sco prognosticher responsabel, quinta dentant, ch’il privel na vegnia betg a sa midar grondamain enfin il bulletin da la sonda las 17:00.

RR bulletin da lavinas 17:50

Gian Darms, prognosticher RTR

portrait da Gian Darms
Legenda: Gian Darms en colliaziun cun RTR. RTR I.Jaeger

Gian Darms e prognosticher da lavinas cun corp ed olma. Dapi 5 envierns fa il geograf da Ruschein bulletins da lavinas per il SLF a Tavau. El è in dals dus responsabels per la scolaziun dals 200 observaturs da lavinas che il SLF ha en tut la Svizra.

  • Durant l’enviern fa el mintga venderdi las 17:50 il bulletin da lavinas.

Artitgels legids il pli savens

Scrollar a sanestra Scrollar a dretga