Siglir tar il cuntegn

Header

Navigaziun

Legenda: Guardar il video Remo Stoffel sto pajar suenter al chantun 4 milliuns taglia. Durada 01:14 minutas.
Or da Telesguard dals 27.03.2019.
cuntegn

Chantun Stoffel sto pajar suenter taglias

La dispita da taglia tranter l'interprendider Remo Stoffel ed il chantun Grischun è decidida. Stoffel sto pajar al chantun 4 milliuns taglia per l'onn 2003.

Gia la fin da l'onn passà aveva il Tribunal Federal decis che Stoffel stoppia pajar 4 milliuns francs taglia al chantun. Remo Stoffel n'è dentant betg sa cuntentà cun la sentenzia dal Tribunal federal. El ha inoltrà ina dumonda da revisiun, perquai ch'i haja dà novs mussaments. La dumonda da revisiun ha la dretgira uss dentant refusà: Remo Stoffel n'haja inoltrà naginas cumprovas che giustifitgeschian ina revisiun.

Betg dal tut pers

Dal tut pers n'ha Remo Stoffel dentant tuttina betg. Las entradas suttamessas a la taglia per l'onn 2003 èn tenor il Tribunal federal nov tar 12 milliuns, empè d'avant 24 milliuns francs.

Il november ha il Tribunal federal decidì che l'investider stoppia pajar suenter 4 milliuns francs taglia per l'onn 2003 e 2004. L'uffizi da taglia dal Grischun aveva pretendì da pajar suenter 8 milliuns. La Dretgira administrativa dal Grischun aveva anc dà raschun a l'uffizi.

RR novitads 12:00