Siglir tar il cuntegn

Chantun Strategias per il Grischun

Las vischnancas grischunas, las regiuns ed il chantun vulan en l'avegnir prender enta maun communablamain il svilup economic. Quai cun «l'agenda 2030 Grischun». En il rom dal project da pilot ha ina gruppa da lavur entant elavurà 7 strategias per concepir il svilup economic en las regiuns.

Sco quai che l'Uffizi chantunal per economia e turissem communitgescha servian questas strategias sco basa per metter enturn la nova politica regiunala da la Confederaziun. Tranter auter vegnia mussà si co che l'innovaziun e la capacitad da concurrer da las regiuns possia vegnir rinforzada.

Las strategias elavuradas servan sco basa per exequir la nova politica regiunala (NPR) da la confederaziun. Ellas vegnan integradas en il program chantunal per realisar la NPR 2016-2023 che vegn suttamess a la confederaziun per l'approvaziun. Las strategias servan en il futur a las autoritads localas e regiunalas sco agid d'orientaziun en cas da dumondas e da decisiuns davart la politica dal lieu.