Siglir tar il cuntegn

Header

Navigaziun

Legenda: Guardar il video Studi dal servetsch archeologic dal Grischun . Durada 03:27 minutas.
Or da Telesguard dals 13.05.2019.
cuntegn

Studi archeologic dal Grischun L’internament sfurzà vis en ina nova glisch

Cun bajegiar la nova praschun Cazas Tignez ha il servetsch archeologic grischun exchavà il 2016 passa 100 fossas veglias sin l’anteriur santeri da la chasa da correcziun «Realta». Uss èn publitgadas las retschertgas scientificas.

I sa tracta da l’emprima retschertga en Svizra cun agid da skelets ord in’instituziun istorica per il provediment administrativ, sco il servetsch archeologic dal chantun Grischun scriva. E questa retschertga mussia, che glieud ch’aveva gia problems da sanadad e che tutgava tar la classa sociala inferiura era pli periclitada da vegnir en la chasa da correcziun «Realta».

Vitiers mussa il studi tenor il servetsch archeologic, che las persunas che vegnivan internadas en talas chasas da correcziun avevan silsuenter anc dapli problems da sanadad. Uschia portia l’archeologia novs aspects da l’internament sfurzà, che vegnivan fin uss strusch resguardads perquai ch’ils documents correspundents mancan.

RR novitads 11:00