Siglir tar il cuntegn

Header

video
Nicolas Pernet è il nov directur da RTR
Or da Actualitad video dals 25.06.2020.
laschar ir
cuntegn

Successiun Ladina Heimgartner Nicolas Pernet è il nov directur da RTR

Il cussegl d'administraziun da la SRG SSR è suandà la proposta da la suprastanza regiunala da la SRG SSR Svizra Rumantscha ed ha elegì unanimamain Nicolas Pernet sco nov directur da RTR.

Nicolas Pernet ha persvas ils commembers da la cumissiun en la procedura da nominaziun d'ina vart cun sia vasta experientscha da blers onns en la cuntrada mediala, da l'autra vart cun sia cumpetenza strategica, sia persunalitad, sia moda da pensar analitica e cun ses sensori per las sfidas che spetgan il service public medial da la Svizra rumantscha.

Surpiglia incumbensa tenor cunvegnientscha

L'Engiadinais da 40 onns, che lavura oz sco manager da medias tar Ringier, surpiglia sia nova funcziun tar RTR tenor cunvegnientscha cun sia patruna actuala. Enfin lura maina vinavant Pius Paulin, 61 l'interpresa. Paulin ha surpiglià interimisticamain la direcziun per la fin dal 2019.

Nicolas Pernet è naschì il 1979 a Sent en la vischnanca da Scuol en l'Engiadina Bassa. Suenter avair frequentà l'Institut autalpin Ftan ha el studegià scienza d'economia da manaschi a l'Universitad da Son Gagl (HSG). El è maridà e bab da dus uffants. Il mument abitescha el cun sia famiglia anc en il chantun Turitg, vul dentant sa chasar en il Grischun.

Direcziun RTR puspè cumpletta

Purtret da la direcziun da RTR.
Legenda: (da sanester): Beat Lozza, manader servetschs centrals RTR, Pius Paulin, manader tecnica RTR, Nicolas Pernet, nov directur RTR, Tamara Deflorin, manadra communicaziun RTR, Flavio Bundi, schefredactur RTR. RTR

RTR novitads 17:00