Siglir tar il cuntegn

Header

audio
L'uvestgieu tascha davart la successiun da Vitus Huonder
Or da Actualitad dals 17.02.2020.
laschar ir. Durada: 03:50 minutas.
cuntegn

Successiun Vitus Huonder «Nagin commentari» u diraglia miraglia a la curt episcopala

Retschertgas vanas – tuts taschan. Ni ils prelats ni il nunzius papal vulan tradir insatge davart candidats pussaivels per la successiun da l’anteriur uvestg Vitus Huonder.

L’emna passada ha la NZZ scrit ch’il nunzius papal haja fatg la terza glista cun candidats che pudessan daventar uvestg da Cuira. Funtaunas per questas infurmaziuns na inditgescha la NZZ dentant betg.

A la curt episcopala na vul nagin dar scleriment a la reportra da RTR. Ella contactescha l’uvestg Peter Bürcher ch’è da preschent administratur apostolic en l’uvestgieu da Cuira. Empè da l'uvestg respunda ses pledader Giuseppe Gracia: L'administratur apostolic na dettia per il mument naginas intervistas.

La reportra emprova era da cuntanscher Thomas Gullickson il nunzius papal u ils quatter candidats pussaivels che la gasetta turitgaisa enumerescha. Adina hai num: «Nagin commentari».

RTR actualitad 11:00