Siglir tar il cuntegn

Header

cuntegn

Suenter la decisiun «Uss èsi impurtant da guardar ensemen enavant»

Ina vusch ha la finala decidì. Haldenstein vul fusiunar cun la citad da Cuira. Il venderdi è vegnì votà cun 253 vusch cunter 251 vuschs. Tge munta ina uschè stretga decisiun per ina fusiun?

Ina decisiun uschè stretga tar ina fusiun da vischnancas n'hai anc mai dà en il chantun Grischun. Ursin Fetz ch'è expert per fusiuns tar la Scola auta spezialisada dal Grischun, sco era Thomas Kollegger che maina l'Uffizi da vischnancas èn persvadids che la fusiun da Cuira cun Haldenstein vegn a capitar cun in tschert quità, ma che quella vegn segir a gartegiar.

Il resultat munta ch'ins vegn a dar bun quità da la nova vischnanca fusiunada ed ins vegn a resguardar pli fitg ils basegns da Haldenstein
Autur: Ursin Fetz expert per fusiuns tar la Scola auta spezialisada dal Grischun
Ussa ston puspè tuts tegnair ensemen e guardar enavant. L'idea da sa rimnar a Haldenstein suenter la proxima radunanza ad ina pitschna festa è buna. Uschia funcziuna democrazia.
Autur: Thomas Kollegger Uffizi da vischnancas dal Grischun

Il davos pled ha Cuira

Il resultat da Haldenstein saja stretg, ma tuttina saja la decisiun ussa fatga. Sche Cuira vul era fusiunar cun Haldenstein u betg è anc avert. Il suveran da Cuira prenda la decisiun a l'urna ils 9 da favrer.

audio
Saira: Fusiun Haldenstein/Cuira: problems tar resultat uschè stretg
ord Actualitad dals 25.11.2019.
laschar ir. Durada: 3 minutas 50 Secundas.

RTR actualitad 17:20

Artitgels legids il pli savens