Sulet firmas d’export per l’areal da Vial/Tuleu a Domat

Cun gronda maioritad ha il suveran da Domat decidi da midar l’areal da l’anteriur resgia gronda en ina zona d’industria. Suenter bunamain 5 onns vegn uschia puspè vita sin quest areal. Cler èsi ch’ina interpresa vegn a bajegiar sin l’areal. La Hamilton da Panaduz.

L'areal da l'anteriura resgia gronda a Domat. Bild in Lightbox öffnen.

Legenda da maletgs: Sin l'areal da Vial/Tuleu pon sulet firmas d'export bajegiar. RTR, H. Schär

Sper la Hamilton n’haja quai il mument betg ulteriurs interessent. Il chantun saja uss londervi dad tschertgar interpresas che surpiglian ils dretgs da construcziun dal chantun. Il chantun haja giu tschertas offertas ord l’economia regiunala u communala ma el haja stuì refusar quellas, ha ditg il parsura dal departament d’economia publica e fatgs socials Jon Domenic Parolini. Quai surtut perquai che la lescha da promoziun da la economia dat avant ch’il chantun sto dar ils dretgs da bajegiar sulet a firmas da la branscha d’export.