Surfan ils purs grischuns cun la puschina?

La primavaira è arrivada, e cun ella temperaturas agreablas, utschels che chantinan, la natira sa dasda. E sch'ins odura, lura oduran ins puschina! È quai necessari? U surfan ils purs grischuns forsa?

Butschin da puschina sprizza puschina sin prà. Bild in Lightbox öffnen.

Legenda da maletgs: La puschina fertilisescha il terren. Keystone

Na, di Reto Elmer, scolast spezialisà sin la producziun da pavel al Plantahof. Tar ils puressers grischuns constettia la proporziun tranter la grondezza dal manaschi ed il dumber d'animals. I vegnia racoltà pavel d'ina surfatscha, quai pavel vegnia dà als animals, uschia dettia quai ladim e quel vegnia puspè sternì sin la surfatscha. Il ciclus constettia.

Puresser sto calcular exact

Ultra da quai sto mintga puresser far la calculaziun, quantas substanzas nutritivas ch'il terren dovra e quant ladim ch'ils animals produceschan. Sch'il ladim vegn sternì cura ch'il terren è pinà, pia cura che las plantas creschan, e sche quai vegn fatg cun in distributur che reparta la puschina directamain sin il terren, lura toffa quai era strusch.