Siglir tar il cuntegn

Header

video
Lavà cun tut las auas
Or da Cuntrasts dals 25.09.2019.
laschar ir
cuntegn

Surpassà valur maximala Arsen en aua da baiver

Tar 11 da las 31 tschiffadas dad aua controlladas en Grischun è la concentraziun maximala dad arsen vegnida surpassada. Nua che la valur maximala è vegnida surpassada, n'ha il chemicher chantunal Matthias Beckmann betg tradì al schurnal regiunal grischun da SRF. Dentant sajan las regiuns cun bler tissi d'arsen enconuschentas: Il Puschlav, sisum la Surselva ed il pli davos en il Partenz.

Arsen

Textbox aufklappenTextbox zuklappen

La substanza è atgnamain in tissi fitg ferm. Chattar pon ins arsen però er en l’aua da baiver en Svizra. Numnadamain en regiuns alpinas. Uschia er en il Grischun. Dapi plirs onns è quest problem conuschent.

Il semimetal vegn avant natiralmain en la crappa ed a la riva sco er auters minerals tras contact en l’aua. Perquai ch’arsen vala però sco ina substanza cancerogena, na duessi betg dar concentraziuns memia autas en mangiativas.

Intginas vischnancas hajan uss reagì e prendì mesiras per meglierar la qualitad da l'aua. En tschintg cas na dettia anc naginas schliaziuns. Las vischnancas pertutgadas hajan uss trais mais temp da preschentar plans. Las valurs sajan dentant nagliur uschè alarmantas ch'ins avess stuì serrar ina tschiffada.

RR 20:00

Artitgels legids il pli savens

Scrollar a sanestra Scrollar a dretga