Legenda: San Murezzan RTRSan Murezzan
Estras ed esters na survegnan betg il dretg da vuschar a San Murezzan. Dus terzs dals votants e las votantas da San Murezzan han ditg Na a la revisiun da la constituziun communala. Tenor quella avessan persunas da la UE/EFTA che abitan dapi almain 5 onns en Svizra u persunas da terzs stadis che abitan dapi almain 5 onns en Svizra survegnì il dretg da vuschar sin nivel communal.
Legenda: Zezras RTRZezras
Ils votants e las votantas da Zezras han refusà cun 53,5% da las vuschs il credit da 4,8 milliuns francs per cumprar parts dal chastè en il center dal vitg ed il parc latiers. La vischnanca avess gugent installà l'administraziun communala en il chastè.
Legenda: Claustra RTRClaustra
La vischnanca da Claustra ha refusà cun ina pitschna maioritad da 51% da las vuschs da refusar la participaziun al Parc da natira Reticon. – Ultra da quai han ils da Claustra refusà ina iniziativa che pretendeva da construir ina chasa da parcar sin l'areal Alte Eisbahn, quai cun 58,7%. – Percunter han ils votants e las votantas acceptà cun ina fitg pitschna maioritad da 50,5% la proposta da la suprastanza per in parcadi cun 160 plazzas en in auter lieu.
Legenda: Stussavgia RTRStussavgia
Las votantas ed ils votants da Stussavgia han ditg cun radund 90% da las vuschs cleramain Gea ad in credit supplementar dad 805'000 francs per renovar las vias en la fracziun da Zalön. L'entir project da meglieraziun per la vischnanca munta a bunamain trais milliuns francs – quel ha la vischnanca gia deliberà l'onn 2017.
Legenda: S-chanf RTRS-chanf
Ils votantas e las votants han approvà cun ina clera maioritad il quint annual dal 2019 da la vischnanca. Quel serra cun in surpli d'entradas da 900'000 francs tar entradas ed expensas da circa 12 milliuns francs. Il rendaquint ha retard, perquai che experts externs han analisà e repassà la contabilitad. – Plinavant han ils da S-chanf approvà il preventiv per il 2021. Quel quinta cun in deficit da 260'000. Il pe da taglia resta tar 65%. – Ils da S-chanf han ultra da quai approvà cun 170 cunter 15 vuschs in credit da 4,1 milliuns francs per in'emprima etappa da sanar il provediment d'aua. Tranter auter vegn renovà la tschiffada a Murtiröl per in nov reservuar a Bügls.
Legenda: Domat RTRDomat
La vischnanca da Domat ha approvà cun gronda maioritad da prest 92% la revisiun parziala da la planisaziun locala. Total han vuschà 1’856 persunas, da quai han 1’707 mess en in Gea. Concret vai per la deponia per terra e glitta, la «Deponia Plarenga». Quella è necessaria per deponer il material da la bova, ch’è vegnida giu il 2013 tranter Domat e Cuira.
Legenda: Sumvitg RTRSumvitg
Flurin Berther è vegnì elegì cun 357 vuschs sco suprastant communal. El ha fatg la cursa cunter Samuel Decurtins che ha survegnì 86 vuschs. En l'emprim scrutini la fin da november n'avevi dà nagins candidats uffizials, uschia che nagin aveva fatg avunda vuschs.
Legenda: Fläsch RTRFläsch
A Fläsch han gì lieu elecziuns communalas: Ils votants e las votantas han confermà en uffizi il president da fin qua René Pahud. – Daniel Brunnschweiler e Jürg Vinzens èn vegnids reelegids sco suprastants communals. Da nov fa er part Michael Lampert da la suprastanza.
Legenda: Vaz sut RTRVaz sut
78,6% dals votants e las votantas da Vaz Sut han ditg Gea al credit per il project da meglieraziun. Quel cumpiglia ina renovaziun da las vias da transport e da guaud. Ultra da quai vul la vischnanca separar vias da viandar da las vias da transport. L'entir project custa var 17 milliuns francs, 11 milliuns surpiglian Confederaziun e chantun.
Legenda: Churwalden RTRChurwalden
Ils circuls electorals restan a Churwalden. Malgrà che 68% dals votants e las votantas da l'entira vischnanca han ditg Gea a l'iniziativa che vuleva abolir quels. La raschun per il Na è che la fracziun da Parpan ha refusà l'iniziativa. Per in Gea avessan tut las trais fracziuns Churwalden, Malix e Parpan stuì approvar l'iniziativa. Er en futur elegia uschia vinavant mintga circul separadamain ses represchentants en suprastanza, cussegl da scola e cumissiun da gestiun. Ils circuls electorals pon uss vegnir stritgads ord la concessiun.
Legenda: Vaz RTRVaz
Cun ina gronda maioritad da 96,7% han ils votants e las votantas da Vaz acceptà il contract. per pudair nizzegiar las funtaunas d’aua da la regiun Sanaspans. Il contract tranter las vischnancas Vaz e Lantsch vegn prolungà fin l'onn 2061. Sch’il contract vegn approvà dad omaduas varts, duai dar in project per renovar las lingias d’aua.
Legenda: Lantsch RTRLantsch
Ils da Lantsch han elegì dus novs commember per la suprastanza communala. Fabian Simeon è vegnì elegì cun 93 vuschs ed Armon Margreth cun 79 vuschs – quai tar in pli absolut da 48 vuschs. La raschun per l'elecziun è, che duas persunas èn sa retratgas per immediat da la suprastanza communala.
Legenda: Scuol RTRScuol
La fracziun dad Ardez ha ina nova represchentanta en la suprastanza da la vischnanca da Scuol, Seraina Caviezel è elegida cun 572 vuschs. Survegnì vuschs ha era Mario Pozzoli, numnadamain 98. Vuschs per singuls hai dà 79. Seraina Caviezel è elegida per il rest dal temp d’uffizi, che va a fin la fin dal 2022. Il suprastant actual, Reto Barbüda, na dastga betg pli far part a la suprastanza, perquai ch’el è vegnì elegì sco impiegà da vischnanca.
Legenda: Tumleastga RTRTumleastga
La vischnanca introducescha definitivamain la lavur sociala en scola. 73% dals votants e las votantas han approvà quest project da votaziun. Ils ultims trais onns hai dà in project da pilot cun la Casa Depuoz. Questa collavuraziun duai uss vegnir fixada definitivamain cun in pensum da 45%.
Legenda: Grüsch RTRGrüsch
La vischnanca da Grüsch na vul betg sa participar al Parc da natira Reticon. 63,8% dals votants e las votantas han ditg Na a quest project.
Legenda: Schiers RTRSchiers
Schiers ha refusà cun ina maioritad da 58% la participaziun al Parc da natira Reticon.
Legenda: Seewis RTRSeewis
La vischnanca da Seewis ha refusà cun 53% da las vuschs la participaziun al Parc da natira Reticon.
Legenda: Conters RTRConters
Ils votants e las votantas da Conters han refusà cun 66,2% da las vuschs da participar al Parc da natira Reticon.
Survista da vischnancas Elecziuns, votaziuns e revisiuns
Intginas vischnancas han elegì oz lur gremis communals ed autras han decis davart divers projects communals sco per exempel in parc natiral internaziunal. Qua datti ina survista dals resultats.
RTR votaziuns 2021