Siglir tar il cuntegn

Header

vista sin il bajetg da la Clinica Holistica a Susch
Legenda: mad
cuntegn

Susch Daners chantunals per la Clinica Holistica

La regenza grischuna ha concedì ina contribuziun da 348'000 francs sco prestaziun equivalenta a l'emprest federal dad 1,5 milliuns francs en il rom da la nova politica regiunala. Ils daners èn per sviluppar vinavant la clinica spezialisada per malsognas secundaras da stress.

Il project d'investiziun permetta d'eliminar la mancanza da chombras per pazientas e pazients, da locals da terapia e da biros. En l'immobiglia acquistada da nov resultan 16 novs locals da biro, 5 fin 6 novs locals da terapia, ina halla da raiver e localitads per la terapia da cumbatter cun bastuns sco er per il tir cun l'artg terapeutic. En l'edifizi principal pon vegnir transfurmads 8 fin 10 locals da biro en chombras per pazientas e pazients.

Ils custs da las lavurs da planisaziun e da renovaziun importan circa 4,5 milliuns francs.

RTR novitads 10:00