Legenda:
Tegia da mises cun stalla sur Calfreisen en il Scanvetg.
Keystone
cuntegn
Chantun - Sustegn en chaussa midar niz da stallas da mises
Il chantun Grischun survegn sustegn dal chantun Vallais pertutgant midar il niz da stallas dad aclas u primarans e locals abitabels. Il Vallais ha inoltrà a la confederaziun in'iniziativa dal chantun cun in sumegliant cuntegn sco quell'iniziativa ch'il Grischun ha inoltrà il matg.
Il Vallais saja pertutgà cun sumegliantas sfidas pertutgant stallas ed aclas sco il Grischun, uschia vegn argumentà. I saja ussa d'agir spert ed en stretga collavuraziun cun il chantun Grischun. Omadus chantuns vulan ina midada da la lescha per la planisaziun dal territori per impedir che las stallas sin aclas van en decadenza.
