Siglir tar il cuntegn

Header

Rempars da lavinas Duchli a Tavau
Legenda: Rempars da lavinas Duchli a Tavau. MAD
cuntegn

Sustegn finanzial Chantun sustegna dus projects cunter privels natirals

A Tavau survegn il project rempars da lavinas Duchli ina contribuziun maximala dal chantun da 832'500 francs. Il rempar protegia il territori d'abitar e da mastergn, la via chantunala en la Val Dischma sco er ina loipa da passlung.

Il zercladur 2019 è sa distatgada ina bova spontana che ha donnegià parts dal rempar da lavinas. Dapi lura han ins fatg lavurs da reparaziun, novs rempars na pon dentant betg pli vegnir bajegiads sin la surfatscha d'erosiun. Uschia duai il rempar existent Duchli vegnir cumplettà cun 126 meters raits da naiv e cun 96 meters rempars da sustegn fixs.

Lingia da l'Alvra: Sustegn als custs totals da 615'000 francs

Ad Alvagnì-Bogn vegn sustegnì in project per proteger la lingia da l'Alvra da la Viafier retica cunter crudada da crappa. Il chantun paja maximalmain 461'000 francs per quest project necessari. I duain vegnir construidas trais raits cunter crudada da crappa che han ina lunghezza totala da 150 meters.

Protecziun cunter crudada da crappa sin la lingia d'Alvra.
Legenda: Protecziun cunter crudada da crappa sin la lingia d'Alvra. MAD
audio
Per tadlar: Las novitads da las 12:00
05:17 min, RTR Audio dals 14.06.2021.
laschar ir. Durada: 05:17 minutas.

RTR novitads 09:00

Artitgels legids il pli savens

Scrollar a sanestra Scrollar a dretga