Siglir tar il cuntegn

Header

cuntegn

Chantun Sustegn vicendaivel tranter Grischun e Tessin

L'inscunter è surtut stà qua per pudair sa discurrer e barattar experientschas e respunder intginas dumondas.

Purtret da Christian Rathgeb.
Legenda: Christian Rathgeb è stà preschent per il Grischun, ensemen cun Peter Peyer da la regenza. MAD, Chanzlia chantunala dal Grischun

Sustegn vicendaivel, quai duai valair per il Grischun ed il Tessin, cura ch’i va per coordinar il cumbat cunter il coronavirus. Tar in inscunter a Bellinzona han las delegaziuns da las duas regenzas decis da sa gidar cun persunal spezialisà e letgs intensivs. Plinavant hai er dà in barat tranter ils stabs directivs dal dus chantuns ed ils medis chantunals, che surveglian la situaziun.

Restai a chasa – er sur Pasca

Plinavant han ils dus chantuns appellà a possessurs dad abitaziuns secundaras e turists da limitar lur mobilitad. Quai per betg strapatschar anc dapli las infrastructuras da sanadad en il Tessin ed il Grischun. Er durant Pasca supplitgeschan ils chantuns ils turists e possessurs da segundas abitaziuns da restar a chasa e da betg vegnir en lur abitaziuns da vacanzas.

Per il Grischun èn ils cussegliers guvernativs Christian Rathgeb e Peter Peyer stads da la partida a Bellinzona.

Per tadlar:

RTR novitads 15:00

Artitgels legids il pli savens

Scrollar a sanestra Scrollar a dretga