Siglir tar il cuntegn

Header

cuntegn

Svilup da la populaziun Pli paucas Grischunas e Grischuns en l'avegnir

La populaziun en il Grischun sa reducescha ils proxims 30 onns. Quai mussan las datas da l'Uffizi federal per statistica che ha elavurà trais scenaris per ils onns 2020–2050.

La populaziun en il Grischun sa reducescha d'actualmain stgars 200'000 abitantas ed abitants sin 190'000 l'onn 2050. Quai tenor il scenari da referenza che l'Uffizi federal da statistica ha calculà.

La statistica mussa dentant era anc dus ulteriurs scenaris: Tenor ina calculaziun bassa munta la populaziun l'onn 2050 anc a circa 170'000 persunas – tenor il scenari aut a bun 211'000.

Sper il chantun Grischun sto sulet il chantun Tessin medemamain quintar cun in svilup negativ da la populaziun per ils proxims 30 onns.

Populaziun svizra crescha

Cuntrari la situaziun en l'entira Svizra: Lezza crescha d'actualmain 8,6 milliuns umans sin radund 10,4 milliuns fin l'onn 2050 (tenor il scenari da referenza). L'augment saja d'attribuir principalmain a la migraziun scriva l'Uffizi federal da statistica.

Il pli fitg crescha la populaziun fin il 2050 enturn Turitg e Genevra, cunquai ch'i dat ina concentraziun da la populaziun en l'aglomeraziun.

RTR novitads 10:00

Artitgels legids il pli savens

Scrollar a sanestra Scrollar a dretga