Il comicher grischun, Claudio Zuccolini, è il grond victur dals Swiss Comedy Awards ch'èn vegnids surdads la dumengia saira en il Teater Bernhard a Turitg. Cun ses program «Darum» ha el fatg la cursa cunter ses concurrents. Zuccolini ha gudagnà il premi principal sco meglier artist solo ed er il premi dal public.
Il duo da comichers tudestg Oropax ha gudagnà en la categoria «Ensemble». Sco «Best Talent» è vegnì onurà il Basilais Mateo Gudenrath ed Adrian Vogt (@aditotoro) è il victur da la categoria «online».
Sin tribuna èn er stads Patti Basler, Michael Elsener, Sven Ivanovic e Michael Mittermeier. L'occurenza da la dumengia saira ch'è vegnida transmessa sin SRF 1, ha moderà Stefan Büsser.