Siglir tar il cuntegn

Header

Andrina Janki.
Legenda: L'emprim di da lavur dad Andrina Janki. RTR, Livio Chistell
cuntegn

SwissSkills2018 L’emprim di da lavur

Esser gnervus l'emprim di da lavur è tut normal. Ma tge pensa ina patruna davart novs emploiads gnervus? Nus avain dumandà per tai.

Tuttina tge che ti fas, l’emprim di è adina stentus. Sper la gnervusitad vegnan anc tiers bleras novas impressiuns, bleras novas infurmaziuns e blers novs nums da collavuraturs. Quai ha er Andrina Janki sentì, sco ella ha raquintà a nus suenter ses emprim di da lavur.

Esser gnervus l'emprim di è insatge tut normal. Da mussar che ins è gnervus na vegn era betg valità sco flaivlezza. Quai ha Martina Spinatsch, ina da las responsablas per emprendists ed emprendistas tar la Banca chantunala raquintà a nus.

Per betg vegnir en situaziuns peniblas, avain nus mess ensemen in guid, co ti sas tegnair endament il meglier ils nums da tes novs collegas da lavur.

Video
Co tegnair endament nums
Or da Actualitad video dals 02.08.2018.
laschar ir

En la proxima part entupain nus in cussegliader da professiun, studi e carriera. Tge che quel fa insumma e tge che ti stoss far, sche ti avessas d'avair problems durant tes emprendissadi, chattas ti qua.

RR actualitad 17:00