Siglir tar il cuntegn

Header

WEF.
Legenda: Il WEF 2021 na vegn betg realisà il schaner a Tavau - il futur è intschert. Keystone
cuntegn

Tarzisius Caviezel «Il WEF sco nus enconuschain na vegn betg realisà il 2021»

Il WEF 2021 a Tavau duai vegnir spustà dal schaner sin la stad. Quai ha il Forum mundial d'economia communitgà.

Sch'il WEF vegn dentant propi ad avair lieu n'è anc betg enconuschent, ha ditg il landamma da Tavau Tarzisius Caviezel envers RTR.

Il WEF sco nus enconuschain na vegn betg realisà il 2021 a Tavau
Autur: Tarzisius CaviezelLandamma Tavau

Malgrà la communicaziun dal WEF, ch'il forum duai vegnir realisà durant la stad, è Tarzisius Caviezel dal avis ch'i saja memia baud per confermar quest fatg. La situaziun e las circumstanzas sajan en il mument fitg intschertas. Er sch'il WEF vegniss spustà sin la stad resti avert sche quel fiss alura a Tavau.

Igl è pussibel ch'il WEF vegn organisà en in'auter lieu - quai na savain nus betg.
Autur: Tarzisius CaviezelLandamma Tavau

Donn finanzial per la vischnanca

Sch'il WEF na vegniss betg realisà il 2021 stuess la vischnanca quintar cun in grond donn finanzial di Caviezel. Cun la decisiun dal forum hajan ins dentant stuì quintar.

Sch'il WEF vegnia alura realisà la stad vegnia Tavau a far ses pussibel per dastgar manar atras l'occurrenza. Il pli impurtant saja dentant ch'ins possia realisar il forum durant ils onns 2022, 2023 e 2024 sco usità a Tavau.

Turissem ha quintà cun la decisiun

Tenor l'organisaziun da turissem da Tavau/Claustra hajan ins spetgà cun questa decisiun. Ch'i vegnia problematic d'organisar il WEF saja sa mussà tar las interpresas internaziunalas. Bleras hajan in scumond intern da far viadis en l'exteriur.

Uss sperian ins ch'ins possia almain realisar in'occurrenza la stad, di Reto Branschi, il directur da Tavau/Claustra Turissem. Sch'il WEF n'haja betg lieu stoppia la branscha da turissem quintar cun in donn finanzial da var 40 milliuns francs. Quest donn stoppian ins dentant er metter en relaziun – en total fetschia la branscha da turissem ina svieuta da radund 600 milliuns francs a Tavau.

Regenza deplorescha – ha dentant chapientscha

Il risico d'organisar ina tala occurrenza cun blers participants fissi stà fitg gronds, di la regenza. Ord quest motiv possian ins chapir la decisiun dals organisaturs. Ord vesta economica e politica fetschia dentant mal, ha ditg il cusseglier guvernativ Marcus Caduff envers RTR.

RTR novitads 14:00

Artitgels legids il pli savens

Scrollar a sanestra Scrollar a dretga