Il project prevesa tranter auter la sanaziun da la tribuna sid, novas gardarobas e duschas sut la tribuna sid sco er la renovaziun da las tribunas ost e vest. Plinavant èn er planisads dapli plazs da seser, novs plazs da catering, in nov restaurant ed in nov concept per l'extrada d'urgenza.
En il stadion da Tavau vegnan giugads dapi 35 onns gieus dal campiunadi da hockey sin glatsch, cunzunt pervi dal Club da Hockey da Tavau. Er la Cuppa Spengler ha adina puspè lieu en la halla da glatsch. Perquai tutga quella tenor il chantun tar l'infrastructura centrala per l'entir sistem turistic da Tavau.
RR novitads 10:00
