Siglir tar il cuntegn

Header

Navigaziun

Ute Haferburg e ses collegas preschentan il program en il Café dal teater.
Legenda: Anc ina giada per il teater Cuira – Ute Haferburg e ses collegas preschentan il program per la stagiun 2019/20 en il Café dal teater. RTR, Sabrina Bundi
cuntegn

Teater Cuira Il «Grande Finale» dad Ute Haferburg

«Finale» – uschia sa numna il motto da l'onn da teater 2019/20 dal teater Cuira. E cun in «grande finale» parta er Ute Haferburg che ha annunzià sia demissiun sin avust 2020.

In punct culminant en ses ultim program saja, ch'igl è gartegià da carmalar a Cuira l'inscunter dal teater Svizer. Auters «musts», che Ute Haferburg vegn a preschentar la proxima stagiun al public a Cuira, sajan per exempel ils teaters en il rom dal festival «Welt in Chur» dal pajais ospitant Pologna, ubain l'emprim toc scrit da Peter Conradin Zumthor, che sa numna «Loneliness kills Anna».

Claire Zachanassian e l'ultima naiv

Sin il program da teater èn da chattar classichers sco «Der Besuch der alten Dame» da Friedrich Dürrenmatt, dentant er adapziuns dad ovras modernas sco quella da «Der letzte Schnee» dad Arno Camenisch.

Sper il teater è la tribuna er puspè averta per saut e musica e teater da figuras. In accent spezial vul Haferburg metter er en ses ultim onn sco directura sin in il teater da e per giuventetgna.

Cuntinuitad per finir

Sia carriera da 10 onns Cuira, veglia la directura terminar cun cuntinuitad. Perquai haja ella envidà bleras gruppas, che hajan er gia giugà sin la tribuna a Cuira – en ils ultims diesch onns eran quai dal reminent radund 200 gruppas.

RR actualitad 07:00