Siglir tar il cuntegn

Header

cuntegn

Chantun Teater da Cuira sut l'ensaina da Bertolt Brecht

La stagiun da teater Cuira cumenza cun il festival Brecht/BB18 che preschenta divers tocs dal dramaticher e liricher tudestg Bertolt Brecht.

L'onn 1948 aveva il toc «Die Antigone des Sophokles» da Bertolt Brecht festivà premiera a Cuira. Uss, 70 onns pli tard, deditgescha il teater da Cuira in festival al dramaticher e liricher tudestg. Tar il festival tutgan tranter auter la preschentaziun dal toc «Die Antigone des Sophokles» ma er gieus auditivs dal teater giuven.

audio
Bunura: Brecht!BB18 – festival a Cuira
ord Actualitad dals 20.09.2018.
laschar ir. Durada: 2 minutas 16 Secundas.

Brecht per las ureglias

Dals 20 da settember enfin ils 10 da november pon ins tadlar in gieu auditiv sin la plazza da teater Cuira ch'è realisà da giuvnas Grischunas dal teater giuven. In dals tocs raquinta l'istorgia da Charles Lindbergh, il giuven che sursgola l'Atlantic. Bertolt Brecht aveva scrit il text dal toc «Ozeanflug» l'onn 1929.

Per Annina Sedlacek, ina da las reschissuras èsi stà ina sfida da realisar in gieu auditiv. Perquai che qua sa basa tut sin tuns, suns, ramurs e las vuschs da las giuvnas. Ma pli ditg ch'ellas hajan exercità e pli bun ch'il sentiment per las rollas e la moda da raquintar saja vegnì, di Sedlacek.

RR actualitad 08:10

Artitgels legids il pli savens