Modul 16 - il tscharvè e ses sistem da gnerva
-
Bild 1 von 5. M16 Neurobiologia - . en il center stan il tscharvè ed il sistem da gnervas. Bildquelle: RTR I.Jaeger.
-
Bild 2 von 5. Tut è pront per la pratcha scientifica - . la Scola chantunala vul promover ils roms MINT. Bildquelle: RTR I.Jaeger.
-
Bild 3 von 5. Far crescher cellas da gnerva –. lavur da basa quotidiana en la neurobiologia. Bildquelle: RTR I.Jaeger.
-
Bild 4 von 5. Emprimas discussiuns scientificas - . las scolaras discutan da l'experiment cun las cellas. Bildquelle: RTR I.Jaeger.
-
Bild 5 von 5. Lavur practica - . iseglia per las emprimas provas en il mund da la scienza. Bildquelle: RTR I.Jaeger.
Co san sgular eroplans anc pli da lunsch e pli spert u nua sa daventar ficziun scientifica realitad? Dumondas, che professiunals da scienza natirala provan da respunder di per di en lur lavur. Co ch’els fan quai e pertge che quai è interessant han ils profis raquintà ed oravant tut era mussà oz venderdi a las scolaras ed ils scolars da la Scola chantunala.
S’avischinar a la neurobiologia – ina pussaivladad da 63
Uschia han 15 mattas e 5 mats survegnì tar la neurobiologa Valeria Eckhard ina prim ‘invista en il mund da la perscrutaziun da demenza. En ina curta part teoretica ha la scienziada declerà, co ch’il tscharvè funcziuna e tgeninas pussibilitads che la scienza ha, per chattar ora quellas funcziuns.
Suenter han scolaras e scolars pudì prender enta maun sez pipetta e mediums e sa deditgar directamain a la pratica da cultivar culturas da cellas.
Dad in’ura da pratica po resultar ina carriera professiunala
Franca Stucki da Flond è ina da las scolaras, che ha tschernì il modul neurobiologia. Suenter la curt’invista l’avantmezdi sa pudess ella sa metter avant bain, da tscherner il studi e lavurar sez en la perscrutaziun dal tscharvè.
Per ella e per tut las scolaras u ils scolars che vulan ir en quella direcziun ha la docenta Valeria Eckhardt in tip: «morder tras!». Quai haja fatg er ella – che seseva anc avant sis onns sez en ils bancs da scola da la Kanti a Cuira.
Avischinaziun als roms da MINT
Ils roms da MINT (matematica, informatica, scienzas natiralas e tecnica) interessan actualmain en tut ils secturs da la scolaziun – da la primara enfin en la scola politecnica, ha punctuà il rectur da la Scola chantunala, Gion Lechmann. La Scola chantunala a Cuira vul promover il gust vi da quests roms.
Il Tecday saja in ‘ulteriur pass per reducir la distanza tar il mund da la tecnica e scienza natirala.