Bucher-Brini, Jeker e Geisseler
Tranter las persunas ch'han dà adia al parlament grischun èn bleras fatschas enconuschentas. Il pli ditg (27 onns) è la deputada da la PS Christina Bucher-Brini stada en uffizi. Era Leo Jeker da la PBD e Hans Geisseler da la PCD èn omadus stads 24 onns en il parlament grischun. Tuts trais han era presidià il Cussegl grond.
Dermont, Troncana e Pult
Vitus Dermont da la PCD è stà 18 onns commember dal parlament grischun. 2015/2016 ha el presidià il Cussegl grond. Claudia Troncana da la PLD ha decidì da terminar sia lavur sco deputada suenter 12 onns. Per Troncana e Dermont munta quai era la fin da lur carriera politica. Omadus restan dentant fidaivels a la politica sco persequitaders. Jon Pult da la PS spera da pudair cuntinuar cun la lavur politica sin livel naziunal. Sco gia enconuschent vul Pult candidar l’onn proxim per il Cussegl naziunal.
RR actualitad 17:00