Il Tirol, il Tirol dal Sid, la Lombardia ed il Grischun vulan meglierar la mobilitad sur cunfin, en spezial il traffic sin rodaglias. A Graun, sper il Lai da Reschen, han ils represchentants da l'uschenumnada «Terra Raetica» suttascrit il venderdi passà ina decleranza d'intenziun.
Sco emprim pass duain vegnir definidas la dimensiun dal project sco er extensiuns pussaivlas e colliaziuns da traffic novas. Finamira èsi da stgaffir ina rait da viafier attractiva en las Alps e la colliaziun da quella al traffic sin rodaglias internaziunal. Tenor il cusseglier guvernativ Mario Cavigelli pertutgia la decleranza tuttas colliaziuns pussaivlas en ils trais pajais cunfinants Austria, Italia e Svizra.
