Siglir tar il cuntegn

Header

audio
Marcus Caduff davart las terrassas en territoris da skis
Or da Actualitad dals 17.02.2021.
laschar ir. Durada: 02:27 minutas.
cuntegn

Terrassas restan avertas Marcus Caduff: «Il mument na vesain nus nagin motiv d'agir»

Las terrassas en ils territoris da skis il chantun Grischun restan per il mument avertas, uschia il minister d'economia Marcus Caduff – e quai malgrà critica dal BAG.

Divers chantuns, er il Grischun, han anc adina avert las terrassas en il territoris da skis, malgrà ch'il BAG ha pliras giadas fatg attent ils chantuns che quai na saja betg lubì. Uss è la «causa terrassas en territoris da skis» daventada chaussa da scheffa. Anne Lévy, la directura dal BAG, ha anc ina giada infurmà ils chantuns che take-aways dastgan esser averts, ch'i n'è dentant betg lubì da porscher pussaivladads da seser.

Il chantun Grischun na vesa il mument dentant nagin motiv d'agir, quai ha Marcus Caduff ditg sin dumonda da RTR.

Nus prendain per enconuschientscha quai scriver.
Autur: Marcus Caduffminister d'economia

La Confederaziun sappia dapi la fin da december ch'il chantun Grischun applitgeschia quai uschia cun las terrassas en il territoris da skis. Uss saja mez favrer ed il BAG haja pir scrit uss.

Ins vegnia er a laschar in zic temp per dar resposta.

Nus vegnin ad ir en dialog cun la confederaziun e lura vesain nus tge che capita.
Autur: Marcus Caduffminister d'economia

Marcus Caduff na quinta dentant betg cun consequenzas davart da la Confederaziun.

RTR actualitad 12:00

Artitgels legids il pli savens

Scrollar a sanestra Scrollar a dretga