Sco quai ch’il manader regiunal tar l’uffizi per guaud e privels da natira, Magnus Rageth di, speria el ch'ella vegnia giuadora sco ils davos dus onns: «en purziuns survesaivlas che pon vegnir transportadas davent da temps en temps.»
Dentant era per purziuns pli grondas è l’uffizi preparà. Il foss tranter la via chantunala ed ils binaris da la Viafier retica po tschiffar fin a 100’000 meters cubic.
En tut tschiffa la bova rodund 900’000 meters cubic. 500’000 meters cubic èn gia vegnids giuadora, uschia ch’ins spetga anc che 400’000 meters cubic vegnan anc. «Il tempo decida dentant la bova sezza», sco Raghet di. «Igl è da lavurar bain ensemen cun quella e dad esser precauts.» Passar en la buglia saja numnadamain bunamain sco da passar en betun.