En il Grischun han las temperaturas pli bassas laschà naiver ier sin fin 1'200 meters. Quai ha per muments er chaschunà disturbis sin las vias grischunas. Il pass dal Flüela e dal San Bernardino èn serrads per motivs da segirezza. Cuvertas da naiv èn er anc las vias sur ils pass dal Güglia, dal Fuorn, da l'Albula e da l'Alpsu.
Blera aua en il Tessin
Ferma plievgia ha chaschunà indundaziuns en parts dal chantun Tessin. Ils pumpiers han stuì vegnir en acziun pliras giadas, l'emprim en il Sopraceneri e lura era en la part sid dal Tessin. Il flumet Cassarate che cula er tras Lugano ha cuntanschì il nivel da privel 3 cun ina deflussiun maximala da passa 80 meters cubic per secunda. Tenor indicaziuns da Meteonews hai dà en tscherts lieus dal Tessin aifer 24 uras passa 160 liters plievgia per meter quadrat.