-
Bild 1 von 6. En il labor. Questa maschina metta ils vaiders en ils chasets da plastic. Bildquelle: RTR.
-
Bild 2 von 6. En il labor. Hanan Boutelitene Benbelgacem da la firma Quotient mussa la maschina Mosaiq che fa la valitaziun finala dals tests. Bildquelle: RTR.
-
Bild 3 von 6. En il labor. Uschè bler sco pussaivel sto esser decontaminà avant che ir en il labor. Bildquelle: RTR.
-
Bild 4 von 6. En il labor. Quest tatgader sin il palantschieu tatga particlas. Bildquelle: RTR.
-
Bild 5 von 6. En il labor. Per pudair far in test d'anticorpuls ston ins dar in'ampulla sang ord la vena. Bildquelle: RTR.
-
Bild 6 von 6. Test d'anticorpuls. Uschia guarda il test d'anticorpuls or. Sin ils vaiderets èn squitschads antigens che duain lura reagir cun ils anticorpuls en il sang. Bildquelle: RTR.
Entant che tests da corona stevan a l'entschatta da la pandemia en il focus, vegnan uss adina dapli tests d'anticorpuls sin la fiera. Quai èn quests tests che mussan, sch'ins ha gia gì il virus e sch'il corp ha producì anticorpuls. Er ina firma da start-up datiers da Nyon cun il num Quotient ha midà a curta vista la producziun usitada sin la producziun da tests d'anticorpuls. Normalmain vegn qua testà sang per transfusiuns sin malsognas sco aids ubain sifilis. Manada vegn la firma da Franz Walt da Flem.
Uschia funcziuna il test
Per pudair testar il sang sin anticorpuls dovra quai ina pitschna ampulla sang ord la vena. Quel va lura en la maschina ch'analisescha el, purifitgescha el, schubregia el, e schela el. Pli tard vegn el mess sin in vaideret en in chaset da plastic. Il spezial: sin il vaider èn squitschads antigens – sche la persuna ha pia gì corona, reageschan ils anticorpuls en ses corp cun ils antigens.
Tras il labor
La finamira da Quotient è da producir 60 milliuns tests per onn. En il labor è maschina sper maschina, mintgina fa ses pensum surveglià d'in laborant, matematicher ubain inschigner. Avant ch'entrar en il labor èsi dentant mintga giada da decontaminar uschè bler sco pussaivel, vul dir: Prender or cliniez, far giu il makeup, metter si egliers, mascra, huba, plastics sur ils chalzers e trair en in overall senza tutgar la vart ordador da quel. E lura natiralmain lavar mauns, dischinfectar els, e trair en guants.