Siglir tar il cuntegn

Header

video
Tests da massa en la l'Engiadina/Val Müstair, Malögia e Bernina
Or da RTR Social dals 04.12.2020.
laschar ir
cuntegn

Tests da massa e sistematics «Nus stuain chattar dapli persunas ch’èn positivas»

La regenza grischuna vul cun tutta forza evitar ch'ils territoris da skis ston serrar. Dasper las restricziuns da la vita publica ha ella perquai er decis d'introducir tests da massa facultativs per tschertas regiuns. Il Grischun è l'emprim chantun insumma che fa quest pass.

En tschertas regiuns prevesa il chantun er da far tests da massa. I sa tracta d’in project pionier en Svizra. En las regiuns Malögia (regiun turistica gronda), Bernina (blers cas) ed Engiadina/Val Müstair vegn testada l’entira populaziun – quai sin basa voluntaria. Ils tests da massa vegnan a succeder tranter ils 11 e 13 da december cun agid da la protecziun civila e dals pumpiers.

Cun ils tests da massa vul la regenza survegnir in maletg da la situaziun mumentana da las persunas sintomaticas. En pli vul il chantun sa preparar cun il project da pilot da pudair far tests da massa sin la surfatscha da l’entir chantun – sche quai daventass necessari.

video
Tests da massa en las valladas dal sid
Or da Telesguard dals 04.12.2020.
laschar ir

Ils detagls davart ils tests da massa n'èn anc betg enconuschents. Quels vegnan elavurads aifer la proxima emna. Uschia ha Peter Peyer respundì ina dumonda d'in schurnalist.

Sin la dumonda sch’igl è realistic da sbassar las cifras d'infecziun aifer duas emnas, respunda la media chantunala Marina Jamnicki: Gea. Ins stoppia dentant resguardar l'entir pachet da mesiras. En in emprim pass vegnia bain a dar dapli cas (test da massa). Però possian quellas persunas lura restar en quarantina, uschia ch’ins possia interrumper chadainas d’infecziuns. Resguardond l’entir pachet da mesiras sajan las autoritads persvasas ch'ellas portian l’effect giavischà.

Media chantunala Marina Jamnicki.
Legenda: Media chantunala Marina Jamnicki. RTR

Tests sistematics

En pli duain collavuraturs e collavuraturas da tscherts manaschis vegnir testads sistematicamain e periodicamain. Pertutgads èn manaschis da telefericas u d’hotellaria, professiuns da sanadad, persunas d’instrucziun u autras gruppas persunalas ch’han blers contacts socials. Er visitadras e visitaders da chasas da tgira u ospitals vegnian testads sistematicamain.

La finamira saja d’identifitgar persunas asintomaticas – vul dir persunas ch’èn s’infectadas cun il coronavirus che mussan però nagins sintoms.

Il Grischun ha blers cas

Avrir la boxSerrar la box

En il Grischun s'augmentan las cifras levamain u stagneschan sin in aut nivel. Actualmain sa chattan en il chantun Grischun 734 persunas en isolaziun e 1'076 persunas en quarantina. Dapi l'october è il dumber da mortoris pli che sa dublegià. Passa la mesadad da las persunas cun in test positiv na san betg, nua ch'ellas èn s'infectada.

En il chantun vegnan registrads mintga di en media var 100 cas novs. La cifra da reproducziun munta en il Grischun en media a 0,97. Quai vul dir che praticamain mintga persuna cun in test positiv infectescha in'ulteriura persuna. Quai è la cifra da reproducziun la tschintgavel auta da tut la Svizra. Senza ulteriuras mesiras exista oravant tut il privel ch'ils ospitals arrivian a lur cunfins durant la stagiun d'enviern.

Tge di la populaziun en Engiadina?

Las reacziuns dals Engiadinais e las Engiadinaisas sin via mussan, che la gronda part da la populaziun è pronta da far quels tests er sch'els sa sentan fit e saun. Ils dumandads en mintga cas èn da l'avis che quai saja ina buna chaussa.

video
Tests da corona da massa
Or da RTR Social dals 04.12.2020.
laschar ir

Proximas decisiuns ils 15 da december

Avrir la boxSerrar la box

Tenor la communicaziun da la regenza vegnia la situaziun valitada da nov mardi, ils 15 da december. Lura vegnia er decis davart l’ulteriur proceder.

RTR novitads 11:00

Artitgels legids il pli savens

Scrollar a sanestra Scrollar a dretga