Siglir tar il cuntegn

Header

video
Project da pilot en il Grischun: Tests tar scolaras e scolars
Or da Telesguard dals 08.01.2021.
laschar ir. Durada: 4 minutas 3 Secundas.
cuntegn

Tests da massa Jon Domenic Parolini vul introducir tests en tut las scolas

In test da pilot en la scola da Malans, la EMS a Schiers ed en il center da furmaziun Palottis a Schiers da quest’emna saja stà in success: A Malans haja quai dà 0 tests positivs da total 228 tests voluntaris.

A Schiers vegnan ils tests anc evaluads. Il directur d’instrucziun grischun Jon Domenic Parolini vul uss introducir tests da massa cunter corona en tut las scolas grischunas.

audio
Corona: regenza vul extender tests da massa en scola
ord Actualitad dals 08.01.2021.
laschar ir. Durada: 3 minutas 26 Secundas.

I sa tractia da la schelta tranter in'ultieriur lockdown da scolas e tests da massa en las scolas grischunas:

Jau avess fitg gugent, ch’ins pudess far tals tests regularmain tenor basegn, e che mintga scola ha la pussaivladad da realisar senza gronda birocrazia tals tests.
Autur: Jon Domenic Parolini Cusseglier guvernativ

Sch'ins possia far quests tests senza gronds problems, portian quels er segirezza, tant a las scolas sco er als scolars ed ils geniturs dals uffants. La decisiun definitiva da la strategia da test en las scolas grischunas vul la regenza trair sche pussaivel gia l’emna che vegn.

Gronda resonanza tar ils scolars

Hans-Andrea Tarnutzer, il directur da la scola media evangelica, era fitg avert per ils tests da massa. Var 500 tests sajan quai stads fin l’ultim total a Schiers.

La resonanza è stada fitg gronda. I ha dà classas ch'han fatg part per 100 pertschient.
Autur: Hans-Andrea Tarnutzer Directur EMS

RTR novitads 12:00

Artitgels legids il pli savens