Siglir tar il cuntegn

Header

video
Grond interess per tests regulars en scola
Or da Telesguard dals 02.03.2021.
laschar ir
cuntegn

Tests regulars en scola Scolas medias e trais quarts da las scolas popularas fan part

Tuttas scolas medias en Grischun e trais quarts da las scolas popularas fan regularmain tests da corona. Quellas scolas sajan s’annunziadas per far part da la strategia da testar dal chantun, sco il minister d’educaziun, Jon Domenic Parolini, ha ditg oz en il rom da l’inscunter mensil da la regenza.

Puspè vaccins per il Grischun

Il Grischun ha puspè survegnì ina nova furniziun da vaccins, quai ha il minister da sanadad dal Grischun Peter Peyer ditg oz a chaschun da l’inscunter da la regenza. Uschia saja il retard ch’i aveva dà il schaner puspè vegnì prendì suenter. Lura n’avevan las firmas Biontech/Pfizer e Moderna betg pudì furnir avunda vaccin.

audio
Peter Peyer davart ils vaccins en il Grischun
00:03 min, Novitads dals 02.03.2021.
laschar ir. Durada: 00:03 minutas.

En cifras munta quai: Sin 100 abitants èn en il grischun 9,7 dosas vaccinadas. Quai è in zic sur la media da la Svizra. En media svizra èn vaccinadas 9,3 dosas per 100 abitants. En tut ha la Svizra survegnì enfin uss passa 1,1 milliuns dosas. Peter Peyer spera ch'ins po restar tar il plan da temp oriund. Vul dir, da pudair vaccinar la stad tut las gruppas da persunas che vulan sa laschar vaccinar.

RTR novitads 15:00

Artitgels legids il pli savens

Scrollar a sanestra Scrollar a dretga