Siglir tar il cuntegn

Header

audio
Bunura: Tge capita insumma dumengia?
Or da Actualitad dals 20.04.2019.
laschar ir. Durada: 1 minuta 44 Secundas.
cuntegn

Chantun Tge capita suenter Pasca en l'uvestgieu?

Uvestg Vitus Huonder survegn da Pasca 77 onns e terminescha lura ses temp sco uvestg da Cuira – dentant la midada a la testa da l'uvestgieu na va tgunsch betg davent dad in di sin tschel.

Suenter bunamain 12 onns chala uvestg Vitus Huonder cun accumplir ses 77avel di da naschientscha sco uvestg da Cuira. Che quai dat gist in nov successur è pauc probabel. Per il temp tranter Vitus Huonder ed il nov uvestg da Cuira datti trais scenaris pussaivels:

Scenari nr. 1: Vitus Huonder resta administratur apostolic enfin ch'il nov cumenza. Quai è er gia stà il cas tar ses antecessur uvestg Amedée Grab. Lez ha anc manà l'uvestgieu 5 mais ditg suenter ses 77avel di da naschientscha.

Scenari nr. 2: Il papa pudess er engaschar in auter plevon ubain uvestg sco administratur apostolic per il temp transitoric ubain...

Scenari nr. 3: Roma na dat naginas prescripziuns e lura elegia in gremi da canonis in administratur che vegn sustegnì da l'uvestg auxiliar Marian Eleganti.

Tge che capita na sa enfin uss anc nagin, dentant il pledader da l'uvestgieu Giuseppe Gracia ha empermess da gliendisdi Pasca ina communicaziun cun novas infurmaziuns.

RR actualitad 08:00

Artitgels legids il pli savens