Il program da televisiun dad RTR ha custà il 2017:
- 2,5 milliuns francs per il Telesguard (emissiun da 12 minutas, 5x l'emna)
- 450'000 francs per il Minisguard (emissiun da 10 minutas, 1x l'emna)
Il program da radio ha custà ad RTR 7 milliuns francs per furnir cuntegn actual ed accumpagnament:
- 4 milliuns francs en las expensas per il program d'actualitad
- 3 milliuns francs ha il program d'accumpagnament (senza infurmaziun) custà
Dasper questa purschida da caracter actual, furnescha RTR era cuntegn a moda reflexiva cun ils Cuntrasts. Quai custa l'interpresa en media 32'000 francs per emissiun.
Dapli infurmaziuns chattais vus quà
Dapli public tar la televisiun ed en la rait
Las emissiuns da televisiun da RTR han chattà il 2017 dapli public.
- Uschè han en media 38'000 (2016: 30'000) aspectaturas ed aspectaturs guardà l'emissiun d'infurmaziun «Telesguard».
- Er l'emissiun d'uffants «Minisguard» noda in augment cun 42'000 (2016: 40'000) aspectaturas ed aspectaturs per emissiun.
- S'augmentà è er il public da l'emissiun «Cuntrasts» cun 43'000 (2016: 40’000) aspectaturas ed aspectaturs per ediziun.
En l'entira Svizra ha il program dal Radio Rumantsch cuntanschì il 2017 mintga di en media 75'000 audituras ed auditurs.
Il diever da la purschida online sa sviluppa vinavant bain. Ils 33'000 Unique Clients èn s'augmentads l'onn 2017 per 10% cumpareglià cun l'onn avant.
RR novitads 15:00