Pli grond radiotelescop dal mund
En il sid da la China vegn cunstruì il pli grond radiotelescop dal mund. Cun la construcziun da quest radiotelescop è vegnì cumenzà avant 5 onns. E la fin da settember da quest onn duai el vegnir mess en funcziun. Per evitar disturbis electromagnetics ston en in radius da 5 kilometers enturn quest radiotelescop dapli che 9’000 persunas bandunar lur dachasa.
Sin la tschertga dad aliens
Cun qust radiotelscop speran scienziads da survegnir nova savida sur da l’univers. Plinavant duai il radiotelescop gidar cun la tschertga da vita extraterrestra.
A Falera stat era in «pli grond telescop»
Il matg 2007 è vegnì avrì il pli grond telescop da la Svizra a Falera. Pli exact: il pli grond telescop ch'è accessibel a la publicitad. Enconuschent è il Mirastailas a Falera tranter auter era per ils dis d'astonomia che vegnan organisads mintga onn.
Sch'ins fa l'experiment da patratgs e sa dumonda: Tge fiss, sch'il pli grond radiotelescop dal mund vegness a Falera, lura manglassen ils abitant da las vischnancas ch’èn pli datiers che 5 kilometers da Falera forsa bandunar lur dachasa.
Las vischnancas en in radius da 5 kilometers che fissan pertutgadas
Vischnanca | Dumber d'abitants | Stan cifras |
Schluein | 563 | 31.12.2014 |
Laax | 1'566 | 31.12.2014 |
Glion | 2'431 | 31.12.2013 |
Schnaus | 123 | 31.12.2013 |
Castrisch | 389 | 31.12.2013 |
Sagogn | 673 | 31.12.2014 |
Valendau | 288 | 31.12.2012 |
Ladir | 107 | 31.12.2013 |
Ruschein | 334 | 31.12.2013 |
Sevgein | 197 | 31.12.2013 |
Flem (Waldhaus) | 890 | 31.12.2014 |
Siat | 158 | 31.12.2013 |
Falera | 593 | 31.12.2014 |
TOTAL | 8'312 |