Ils giuvens e las giuvnas vulan:
- dis da project a las scolas da Cuira che tematiseschan la politica, per ch'ils scolars e las scolaras giajan in di a votar, cura ch'els èn maiorens
- che la citad da Cuira mettia a disposiziun in tschert dumber da parcadis, unicamain per automobils electrics, per uschia promover ils automobils electrics
- che chasas dal standard minergia A vegnian promovidas en il quartier City West
- ch'i dettia ina lingia da bus che va directamain davent dal quartier City West enfin tar ils spitals, senza stuair midar il bus a la staziun dal tren
Las 3 giuvnas ed ils 8 giuvens èn stai cuntents cun la sessiun dal parlament da giuventetgna. Ins possia exprimer l’atgna opiniun, discutar, s'engaschar, avair in'invista en la politica, e la giuventetgna vegnia udida uschia.
La petiziun da la lingia dal bus da Cuira stat il pli fitg a cor a la giuventetgna. Carla Maissen, la vicepresidenta dal cussegl communal ha prendì encunter las petiziuns e ludà la lavur dals giuvens e da las giuvnas. Els hajan bunas ideas ed ella dettia gugent vinavant las petiziuns.
