Siglir tar il cuntegn

Header

cuntegn

Chantun Tgi che paja decida era

In club cun proprietaris d’abitaziuns secundaras ed indigens che finanziescha l’infrastructura turistica e decida lura er en chaussa. Quai è ina da las ideas ch’il Forum economic grischun preschenta. In model ch’ins na enconuscha fin oz betg e che mettess sin il chau l’entir sistem.

Il model prevesa che mintga abitant e possessur d’ina abitaziun secundara pajass ina summa per finanziar per exempel las pendicularas. Persuenter avess el la pussaivladad dad ir gratuit cun skis. Sper quai vessan ils commembers da quest “club” er da decider tge che capita cun ils daners e co che las pendicularas han dad investir els. Tenor il manader dal Forum economic grischun Peder Plaz, funcziunass quest sistem, u in sumegliant sistem.

audio
Mezdi: Clubs privats duain finanziar l’infrastructura turistica
ord Actualitad dals 27.05.2015.
laschar ir. Durada: 3 minutas 21 Secundas.

Cunzunt per destinaziuns turisticas pitschnas cun bleras abitaziuns da vacanzas e be paucs hotels funcziunassi. Quest sistem funcziunass er per ulteriura infrastructura turistica sco bogns u loipas.

Artitgels legids il pli savens