Siglir tar il cuntegn

Header

cuntegn

Chantun Tgi vul anc vesair Dirty Dancing?

Sulet 12 persunas han vulì vesair il film Dirty Dancing a Cuira. Il venderdis saira é vegni mussà il film classic al open air kino a Cuira. Da las 12 persunas èn cunzunt dunnas stadas a mirar il film da saut.

Uschè blers aspectaturs sco durant ils onns 80 n’ha il film da saut Dirty Dancing betg pudì carmalar la fin d’emna vargada en il open air kino a Cuira. Dals bunamain 100 plazs eran sulet 12 occupads. Ed ina gruppa da dunnas giuvna saja mo vegnida a mirar il film pervia ch’ellas hajan gudagnar ils bigliets.

In motiv po era la plievgia esser stada. Persuenter hai dà per tut ils visitaders ina pelerina cun capuza.

audio
Mezdi: Pauc interess per Dirty Dancing al open air kino a Cuira
ord Actualitad dals 25.07.2016.
laschar ir. Durada: 4 minutas 30 Secundas.

In classicher dapi decennis

Il film Dirty Dancing cun la chanzun bain enconuschenta «(I‘ve had) the time of my life» ha giu la premiera il 1987. Il film è stà in hit sin tut il mund e vala anc oz sco classicher da saut. La chanzun dal titel ha schizunt gudagnà l’Oscar per la megliera chanzun en in film il 1988.

Artitgels legids il pli savens