Thomas Schmid è nov manader controlla da finanzas dal Grischun

Il nov manader da la controlla da finanzas dal chantun Grischun daventa Thomas Schmid. La regenza ha elegì l'um da 51 onns da Claustra-Serneus che remplazza Hansjürg Bollhalder che va en pensiun anticipada suenter 13 onns en uffizi, scriva la regenza grischuna.

Thomas Schmid nov manader da la controlla da finanzas dal Grischun. Bild in Lightbox öffnen.

Legenda da maletgs: Thomas Schmid il nov manader da la controlla da finanzas dal Grischun. mad

Thomas Schmid è econom da manaschi SAS e revisur da quints diplomà. El è stà engaschà durant bunamain 25 onns tar ina da las grondas societads da revisiun da quints e da cussegliaziun, dapi l'onn 2001 sco partenari. Il mument abitescha Schmid a Lachen ed a Conters en il Partenz.

La controlla da finanzas è la pli auta instanza da surveglianza da finanzas dal chantun Grischun. Ella è il post da revisun intern e extern dal chantun e da l’administraziun chantunala. Tar las incumbensas principalas tutga la revisiun dal quint annual dal chantun e da las finanzas dals uffizis chantunals.

La controlla da finanzas è autonoma ed independenta. Administrativamain è ella suttamessa al Departament da finanzas.

RR novitads 10:00