- Betg pachetar en memia bler: Tenor ils dus Grischuns hajan ins la tendenza da prender cun bler memia bler sin in viadi cun il busin. Dovran ins propi tschintg t-shirts ni tanschan dus?
- Mirar tge ch’è spezial en auters pajais: Dovran ins ina vignetta speziala u valan uschiglio reglas spezialas? S’infurmar ordavant.
- Serrar giu il gas en il busin: Pierina Beeli metta gronda paisa da na betg emblidar da metter il gas giuadora e na laschar quel en l’auto sur notg. Quai sappia vegnir malsegir.
- Betg esser naìv: Ir cun egls averts atras il mund ed esser in zichel sceptics, sch’esters vegnian e veglian insatge dad ins, di la giuvna da 24 onns.
- Chargiar giu las cartas online ordavant: Savens na hajan ins betg internet en l’exteriur e lura èsi bun, sch’ins ha gia chargià giu ordavant la carta. Adatg: Quellas na sun betg adina actualas, agiunta Pierina Beeli.
- Mirar nua ch’ins astga star sur notg: En Svizra èsi scumandà da simplamain parcar il busin insanua sper il guaud u la via. S’infurmar ordavant nua ch’ins ha la pussaivladad da parcar il busin. Tip: l’app «park for night».
- Cumprar en ordavant da mangiar ed avair cun avunda da baiver: Ma adatg, sch’ins n'ha betg ina frestgera en il busin ston ins mirar, tge mangiativas, che na vegnan betg schletas, sch’i vegn chaud.
- Mirar, ch’ins pachetescha en tut ils utensils per cuschinar: Pierina Beeli e Matteo Manno han era schon emblidà las furtgettas e stuì improvisar cun mangiar.
Il pli impurtant saja dentant:
Esser averts per novas chaussas ed aventuras, ir cun egls averts atras il mund. Uschia vesan ins bellischems lieus. Ins stoppia esser flexibel e betg emblidar da giudair il temp.